區選在即，各黨宣傳舖天蓋地，氣勢磅礡。
雖然政客的大聲公擾民行動令人很討厭，但最討厭的，還是政府的宣傳短片，說盡公民責任要去投票。
然則不投票的人就沒有盡所謂公民責任。
Are you sure?
但幾個候選人我都唔鍾意，去到投票我都揀唔落手，點解仲一定要我去選﹖你張選票又冇不信任票俾我投，咁即係唔能夠清晰表達我意向啦，咁我仲乜仲要陪你玩﹖
個問題係呢d候選人平時鬼影都唔見野又唔見有做，但一到選舉前一個月就將自己個樣貼到通街都係(你估你自己係吳彥祖﹖)隔離寫幾個詞語諸如：實幹，為民，拼博等等。當然，他們是有點誠意的。於是你會見到七點幾鐘當你仲番緊工既時候係街口己經會企左個著住件中環style既shirt既肥師奶(但其實你住黃大仙)同你講早晨，然後下一句就係「請支持下我丫」。
但，誠意只限於選前一星期。
即係要我去投票唔係唔得，問題係咁樣就等於我去鼓勵呢d咁既行為。即係以後當個老豆同個仔講：「你咁樣考試之前o個日先溫書，臨急抱佛腳，有鬼用呀﹖」既時候，你個仔老實唔客氣回應你呢一句：「冇用﹖d人選區議員都係咁啦，做到議員添呀！」。你做老豆，你點教仔﹖
公民責任﹖唔好妖言惑眾
某程度上, 點解競選區議員者, 可以到當日先出黎say hi?
ReplyDelete反過來說, 就算係平日有做o野的區議員, 好多選民都淨係當日先見到佢 ?
其中一個原因, 咪就係香港人自己懶囉。平日唔去關心地方政務, 芝麻綠豆的事就夠膽投訴, 但要討論要關注的大事, 例如地方政策, 甚至業主立案法團話要限制區議員宣傳, 甚至區議會動議支持施政報告等, 就唔理, 視「政治化」三字如洪水猛獸。
咁 d 區議員又駛乜平日照顧住大家的真正需要呢? 只需要選舉前做些成功爭取整好公厠第三格厠格厠紙架, 再輸送少少珠海一天遊利益, 然後o個幾日出黎"泣泣揚揚", 就有人投票架啦。
如今咁多土共、暗共當選, 香港人就更加唔可以懶喇。否則, 我地就真正沉淪。
唉...........
ReplyDelete