Die Zauberflote

難得香港也有魔笛公演，可惜買不到適合的票，唯有在家狂煲cd，平衡一下心理。而且我也相信，現場雖然有真人表演(話說回來，要不是認識朋友知道詳情，單看catalogue，連只有人演唱還是真正的opera，小弟也是打個問號。搞藝術，也要懂一點marketing的)，但應該不會比Karajan的版本好多少。

所以，小朋友，這就叫做：

吃不到的葡萄是酸的。

頂

重陽

每年清明重陽，見到電視影住將軍澳墳場，大家就會明白香港政府係幾咁聰明。

將軍澳墳場，山路崎嶇，步行半小時至四十五分鐘不等。偏偏每年清明重陽，總之一人多，政府就不准任何車輛駛入。這點合理，因為私家車太多肯定交通混亂。

但你連巴士都唔俾人塔，只准步行，係咪玩野﹖

我地d十八廿二就話行幾十分鐘山當運動啫，但你都知架啦，今時今日乜野人拜山最多﹖咪都係d老人家之嘛。你要d幾十歲阿公阿婆下下咁行上山，你係咪想人地下年輪到自己俾人拜一勞永逸﹖

再講，你用巴士運人，點都快過人地自己行啦，流量係咪會快d呀﹖

係咪唔想人地正日走去拜呀﹖係，前前後後幾個星期都可以拜，但呢個唔係藉口囉，呢d拜山嘅野跟節日架嘛，你不如叫人大年初一去拜山丫﹖

成座山得你一個人添呀，幾自由呀。

倒米基督徒

朋友在facebook轉貼以下片段：



唔睇尤自可，睇見把幾火，真係咁樣偷換概念都夠膽死，點可以將嚴緊嘅數學邏輯同精神宗教思想混為一談﹖簡直係侮辱普天下讀數學嘅人。

咁就唔怪得香港d基督徒咁想係生物堂度教神創論喇。

一個牧師，仲要係出名嘅，你話死唔死﹖

隨口噏

今日回校考試，臨陣衝刺之際，呆坐一角，忽發奇想：

班大陸佬雖然暴發，但都唔係傻嘅，有大把錢，係大陸大把地方可以駛，樓，大陸又唔係冇，而且咁有錢，真係冇樓都可以自己起，駛乜係香港買七萬大洋一呎嘅所謂「豪宅」﹖成過千呎，即係分分鐘講緊成億一間，係大陸碧桂園都買左幾座喇喎，而且，你買大陸樓，幾年後或者有得升，七萬蚊一呎香港樓，幾年後你真係蝕到仆街就有份，想賺﹖或者等四十年後通貨膨脹你先有可能回本。

我一向相信，一個有錢人，佢真係自己努力賺番唻又好，巧取豪奪都好，總唔會係一個蠢人，呢個世界係冇白痴嘅有錢佬嘅。咁好喇，如果呢個假設成立，咁點解一大班大陸佬南下香港博命買樓呢﹖

都，幾明顯架啵。

搶仔

連續兩日，跟不同的女性朋友，說同一句說話：

「個男仔有女朋友你唔識搶番唻架﹖」

我不知是我比較卑鄙，還是她們都很單純(都是基督徒，我發現香港的基督徒要麼純得像天使，要麼黑得像魔鬼，沒有中間的)，不明白好的貨品不會永遠放在貨架上等你慢慢揀慢慢試慢慢買，手快有手慢冇的道理。更不論「好男人」這東西，供給彈性(Elasticity of Supply)比石油還要低，美國沒有石油怎麼辦﹖就都是打仗打回來的，打不到就談判談回來，重點是，總之就是要回到我美國的手上。美國戰後主宰世界，靠的就是這種手段。

你要禮讓不是問題，別年近三十才怨天尤人，然後跟我說哎呀你地d男人呀一味係鍾意靚女呀都唔識得欣賞下人地d內在美嘅。先不說天下間的男人都是比較膚淺，總是比較著重女性外在美多於內在美這個「阿媽係女人」的問題；重點是，女人總是有一種錯覺，以為自己沒有外在美，就一定有非常多的內在美；而當見到別人有很多外在美時，就一定以為那隻狐狸精沒有內在美，然後跟你說：「上帝很公平的」。

我嘗試跟朋友解說，上帝說不可殺人，不可偷竊，可沒有說不可以明搶呀。而且，上帝也許是很公平的，in long term，expected value會一樣，但中間的standard deviation有幾大，對不起，聖經沒有給大家太多的啟示。

最後，朋友還是不明白，繼續在電車上兜兜轉轉，而我又再遑作小人。

大驚小怪

所謂乘時堀起，如倪匡先生所言，當年共產黨建國，皆因全國人民擁戴。當今香港道德塔利班橫行，亦因民心所向，保守成風所致。

好，文縐縐完。

我想話：

Diu，又同廣管局投訴﹖陳法拉係電視劇露bra有乜咁大不了﹖影乜撚野響細路仔﹖你去海灘唔係成棚女都著bikini﹖不如政府立例十八歲以下青少年唔撚准去海灘泳池丫笨！

黐膠花！