對話

人說知子莫若母，我說知母莫若子。

今日下午四時五十分，手提電話響起，我知道老佛爺已經回港了。

「喂﹖」

「你做乜搞到我間屋立立亂呀﹖」

第一句，有冇中到top 10 呢﹖Let me see...

「乜呀﹖我特登吸左次塵架喎。」

You know, 佢走左兩個星期半我吸過兩次塵，上一次係因為有朋友來訪。事實上唔係我懶，而係我一個人好少係廳。

「吸你個頭呀﹖又留番哂d野俾我做呀！」

你再唔做下野好快有老人痴呆呀媽，我都係為你好。

「嗯...ok啦，都唔係好多啫。」

「又搵過人番唻呀﹖」

「你預左啦下話。」

「搵左邊個呀﹖」

「咪豬朋狗友囉，乜我仲有好多朋友咩﹖」

其實幾多，不過其他佢應該都唔識。關於「豬朋狗友」一詞的來源，擇日再述。

「你番唻同我執番乾淨佢呀！」

做人現實d，我要自己執，你番之前我就執左啦。共產黨要俾你普選零七年就俾左啦，駛鬼等到二零一七﹖嗰十年留番俾你鬧呀﹖

你要我執屋﹖學民主黨咁慢慢爭取下先啦。

來日方長。