新工作2

番新工一星期，感覺其實不太好，但好友說，再看看吧，反正只上了一星期的班。我知道，反正就算不喜歡，三個月內是一定不會走的(因為有penalty)，而且以我性格，沒找到另一份工之前也是不會辭職的。我覺得問題在於實在有太多contract staff，實在很難令我相信一年後可以轉perm。contract同perm分開坐，老實說，很有被歧視的感覺。還有就是實在太多人，三十幾四十人一齊食飯，好麻煩。

唯有催眠下自己，未適應啫...

當日見這份工時，被問到我到底喜歡techical(指programming)定係ba(business analyst)方面的東西多一點，我猶疑了一下，然後答比較喜歡ba，二選一的話這是我的心底話，但如果沒有既定選擇的話，我會答我喜歡研究corporate strategy，例如crisis management，就是一個很有趣的題目。

國泰鬧事的女乘客找管理層投訴，結果國泰紀律處分該位員工，另外送贈商務客位給該位女乘客，正如特首親疏有別一樣，乘客身份有別，亦應有不同處理方法：

1. 如果該位女士位高權重，或背後靠山大，那麼賠償機位息事寧人是正確的做法。但我想，如果是這樣的話，一張商務客位機票想了事，似乎又天真了一點。(係呀，做人係咁架喇，欺善怕惡嘛)

但，最起碼，賠償過後，要求雙方不要公開事件吧﹖到底是誰把事情揚出來的﹖

2. 所以我想，這位女士應該只是普通市民，咁我唔明，做乜賠機票俾佢﹖佢係公眾地方鬧事，關「權利」同「私隱」甚麼事﹖若要人不知，除非己莫為，你小時候媽沒教你嗎﹖這種先例一開，以後各大航空公司的地勤組是有得煩了。

如果係我，公開將這個女人列入黑名單，殺一儆百，才是最正確的做法吧。

所以，大家多謝國泰吧。

而且，無論如何，你罰個員工做乜鬼﹖你員工守則又冇寫番工時間唔准錄影。父親一向對我說太古集團的management如何了不起，唉......

另一單係衞詩吸毒(甚麼藏毒﹖你唔吸毒藏唻博拉呀﹖定係想販毒﹖)

事發後，衞詩所屬唱片公司急忙開記者會，說如果證實衞詩吸毒，將會跟她即時解約。

又係很差勁的management。

大家只要想想，如果你吸毒被補，你最想要誰的支持﹖係家人。而這間公司開記者會不止，還要這位女星的父親在記者會上淒然落淚說自己教女無方，而為的，當然是維持公司的正面形象。

設身處地諗諗，公司唔到你，從此你冇哂前途，你以前嘅同事公然數落你，你老豆仲要為左你係公開場合認錯，你班契弟真係唔怕個女仔自殺﹖

藝人是一間唱片公司最重要的資產，要主動跟藝人解約，當然是因為公司認為這位藝人已經是公司的「負資產」，失去為公司賺錢的能力，繼續擁有她只會令公司資金不斷流失，所以write off。

謹此而已，明眼人都看得出來，這只是單純的利益關係，正如上年鍾欣桐拍淫照，楊受成就沒有捨得跟她解約。

香港人是很奇怪的，大家都律人以嚴，彷彿這樣做，就是律己以嚴的證明，鬧完你係仆街，我就唔係仆街喇。

那個二十六歲的總經理，我望住佢，我忽然覺得，自己怕且都夠本事做微軟ceo。

幕後黑手

中大學生報一事，我開始感到有點點陰謀的味道，當有幕後黑手在其中。

只要細心回想一下就知道了：一開始學生只係一味defend，一味就話「我冇錯」，絲毫沒有退讓。再加上忽然淫審處介入，校方劃清界線，學生一度被孤立。 而被孤立的一方沒有甚麼新的論點，一味只係話探討學術，回應保守，令人覺得學生呢d只係用學術o來做藉口，更認為現今大學生水準又再下降。咁樣自然爭取唔 到大眾支持。

然後，事情就峰迴路轉。

首先係學生將口號一轉，由話自己探討學術，變成係淫審處干預出版。其實仔細諗下，你就發覺，出版物被審核是否淫褻，用「出版自由」四字，跟本毫無關係。下 次如果張學生報post張兒童色情照，話係探討青少年早熟問題，不過，我地眼高手低o者，你乜乜淫審處咪又干預學術自由丫，咁得唔得﹖

不過唔緊要，最重要係「出版自由」，「言論自由」等字眼，香港人尤其敏感，一聽到「自由」呢兩個字，俾人「干預」，唔理三七廿一喇，幾大話唔好先。民眾係 容易被煽動既，於是民心背向，民意重新向學生報靠攏。咁都未夠，仲要搵番大學十幾個學者撐撐場，話支持下d學生。民意嘛，總係比較信服一d讀得書多既人， 人地乜乜教授都話張學生報冇問題啵，應該都冇問題啦。於是，連一d遊離票都贏埋。

解決民意，學生報得番兩個「敵人」，第一個自然係淫審處，第二個，就係中大喇。於是唔知幾時開始，就有人開始發話，祭出蔡元培先生的神主牌，然後將茅頭直 指中大校長劉遵義，話呢條友都唔幫自己d學生擋下箭云云。劉校長雖然成日笑嘻嘻，不過人要面樹要皮，佢都要番三番薄面既。然後又唔知點解突然間d中大校友 又走埋出o來，話支持d學生。仲要有埋d法律學者警告中大，如果學生報被評為「不雅」，大學都有責任。於是大家就見到好奇怪既一幕，就係中大行政部由原本 開壇作法要討論點處分d學生，變成「會對學生提供適當協助」，期間立場交接既過程迅雷不及掩耳，兵貴神速，高。

上兵伐謀，其次伐交，學生報得一大盟友，自然更加理直氣壯，接起橫額示威去也。

然後就得番淫審處。理所當然，學生報最理想既攻擊手段，亦係其實應該最早做既，就係質疑其審美眼光，或評級準則。亦係學生報時來運到，d評審委員又要無端端走出o來，未審完就話好有可能份學生報會被評「不雅」，於是學生報順水推舟，就話你淫審處唔公平囉。

睇到呢到，我就奇怪，呢班學生之前onon居居咁，一味話我冇錯，一d外交措辭都唔識，講野一d餘地都唔留俾自己，乜忽然咁醒爬識得呢招連消帶打﹖

呢野己經令今次既評審結果毫無公信力。不過落水狗邊個唔識打，一於再下一城。今日睇報紙，又唔知邊個人發起投訴聖經行動，千幾個投訴信send去俾淫審處話聖經不雅，內容涉及亂倫，暴力等......

呢招，真係絕。如果話民眾容易被煽動，教徒，更加容易。想像一下，一個虔誠既基督教徒，會有乜反應﹖梗係幾大都話聖經其實寫呢d野係有目的既，呢d人咁樣 諗本聖經，實在係唔明白神既道理云云。好喇，咁點解會有個咁既debate呀﹖咪就係個乜乜淫審處係度亂點鴛鴦，話人地份學生報不雅，然後火燒連環船燒埋 我地耶穌o個疊囉！因為係心理上，一個人聽到一個咁既信息，反應會係：「淫審處既審美眼光，會認為聖經係不雅既。」最大鑊，就係個淫審處仲要冷公正咁，真 係走去研究，考慮。有冇腦架﹖仲諗﹖呢班友梗係嫌命長，想快d蒙主感召。

最怕就係件事越搞越大，上埋國際新聞。到時傳到梵蒂岡度，你估教宗會有乜反應﹖全世界十幾億天主基督教徒同你過唔去，你行出街，真係唔好亂咁話俾人聽你係「淫審處」度打工呀。

不過呢，阿高人都算有良心。如果唔係唔搞聖經，走去搞本可蘭經。你諗下，丹麥畫幾幅漫畫諷刺穆罕默德既，可以搞到暴動。你窒佢本經，你估會點﹖燒幾架車放幾 個炸彈點都會掛。唔好忘記，尖沙咀個清真寺，好多巴藉人士去架，佢地會同你客氣，好似七一咁同你慢慢遊行﹖你太天真喇。天主教就話得罪教宗，回教，哈哈， 你唔怕拉登搵你飲咖啡呀﹖

至此，中大學生大獲全勝。

至於個官會點判。我估係維持二級評級(持有?)，但唔追究責任囉。兩邊都唔得罪嘛。

嗯......今時今日最想見下呢位幕後高人既，應該係馬力。