對人講野，最緊要小心。小心自己講過d乜，因為你自己或者唔記得，同你講緊野o個個，未必唔記得你一年前，同佢講過d乜。當然，如果你次次都係講真話，咁就冇乜所謂，但係，如果你唔係一個習慣講真話既人，咁，你就最好記得，你自己幾時同邊個，講過大話。

當一個人個樣蠢，其實個人未必係蠢。就算係蠢都好，蠢，同記性，係兩回事。

阿老細，或者你覺得今日坐係你對面同你講野既o個個人，個樣有d蠢，又或者你覺得佢真係好蠢，但係好不幸，佢係一個記性好好既人。而你一年前同佢講過既野，佢到而家，逐隻字都仲記得。你今日講既野同一年前講既完全相反，表示d乜野，我估，都應該冇人唔知。

人工，其實我唔係咁介意，你加唔到，或者你唔想加，肯用幾千蚊一日搵個所謂helper番o來乜都幫唔到手，你同我講一個月加o個條友一日既錢既一半俾我你俾唔到，ok，我都唔mind。但點解你要呃我﹖我最憎人呃我。

仲有，我份人，好記仇。