正能量

常聽人說，做人，要樂觀一點，正能量很重要，雷曼破產加毒奶粉，大家如何「從好處想」﹖

奶粉

1. 大陸人因為怕奶粉有毒於是到香港買。香港人嫌雀巢安嬰寶不夠健康於是由日本買，但日本人永遠只會將次貨出口於是聰明的香港人只會買水貨奶粉。如果我是大陸的奶粉製造商，這個時候應該做的，就是在日本成立一間分公司，然後將中國製的奶粉運到日本然後當日本品牌出售。

這個過程，簡稱Globalisation。証明這個世界是多麼美好﹖

What a wonderful world~~~

2. 大家以後除了孔雀石綠，蘇丹紅，甲醇和甲醛外，又再多學了一種叫三聚氰胺的化學物。令人感到鼓舞的是大家以後只看新聞，久而久之應該有本事會考化學考A了，不過再靠補習天王。

子曰：「朝聞道，夕死可矣。」孔子真有遠見。

看﹖又學多一句古語了。而且，我們敬愛的溫總理應該還有的是機會跟大家進行國學教育。

3. 老實說，從大陸那個甚麼三鹿和蒙牛奶粉廠的董事長的回應，你就知道，中國別說要追上美國，要追上香港也不容易，同樣是問題食物，大家是否有點似曾相識的感覺﹖

其實是不是大陸的新聞封鎖太過嚴密了﹖連這句也不懂抄...

「不義而富且貴，於我如浮雲。我百分之一嘅錢係賣奶粉搵嘅，百分之九十九係外面搵嘅(係邊度搵﹖自己諗諗)」

想我中華泱泱大國，幾千年文化累積實力雄厚，古語真是引極都引唔完。

4. 中國點解到而家都冇出名嘅藥廠﹖呢個世界咁多人想自殺，有得做架喎。

5. 雷曼破產，某師奶在電視面前說「我覺得佢地根本就恥笑緊我地呢班傻瓜。」

阿姑，唔只佢地架其實。即係人地係咪恥笑緊你定係職業性笑容我唔清楚，如果係前者你可以向消委會投訴服務態度惡劣，如果係後者，你係侮辱緊殘障人士，等如你話一個患有職業性失聰的人特登唔聽你講野一樣然後你係電視面前唱佢，根據香港反歧視條例你隨時會受律政司檢控。

咁你乜都唔識所以輸錢，好公道丫。你俾人呃所以輸錢，你去證監做乜啫，你去差館啦。

由你係去證監而唔係去差館就睇得出，你唔係覺得俾人呃，你係想借d椅逼人賠錢俾你啫。

淨係睇呢個阿姑都好過追乜野家好月圓啦。

雖然我都知冇左血汗錢係好慘，但你咁樣搞法人地好難幫你架嘛。

6. 對住部電視流眼淚，對上一次睇係幾時﹖好似係97。十年一覺揚州夢，千財萬富又成空。

唔駛唔開心喎，你都未夠阿四叔咁傷。

6. 雷曼結業賀中秋，有人歡喜有人愁。

食個月餅啦，唔食過左期連盒月餅都蝕埋呀。

係囉，今年有幾多人有心情睇月光呢﹖除左冇股票係手嘅人之外。無慾則剛，有容乃大，咁咪快樂囉，日日睇住個市你邊有心情享受呀﹖

7. 我咁樣講怕唔怕俾人打﹖

You won't kill me out of some misplaced sense of self-righteousness, and I won't kill you because you are just too much fun.

8. Why so serious?

9. 冇White knight救雷曼，會唔會有dark knight救下d股民﹖