家教

在下有表妹三歲，剛入幼稚園的年紀。

話說上次週末，跟她一起到megabox飲茶，飯後我這做表哥的，遼表心意，說請她一起吃雪糕。在下嘴雕，比haagen dazs差的，從來不沾。再講，當長輩的，怎好意思待薄後輩﹖

但佢拒絕。

我奇怪地問為甚麼﹖小朋友這個年紀應該是聽見雪糕二字就雙眼發亮才對。

「我咳呀」她回答。
「唔係丫，我都冇聽見你咳，本死無大害，食啦」我這壞鬼表哥繼續威逼利誘。理論上，小朋友，應該是咳到快要死，都奉行先食後死的原則。

她繼續遙頭，小弟於是一邊奇怪她為甚麼這麼好自制力，然後吃了個大檸檬。

然後她爸在旁解說：
「唏，佢唔係架，佢都唔鍾意食雪糕嘅。」
「吓﹖」
「係呀，一話叫佢食雪糕就話咳，然後行行下突然咳左一聲就會同你講：你聽唔聽到呀，頭先我咳呀」

我心諗：肯定你兩個唔知講過d乜野小朋友食朱古力，糖或雪糕會死之類嘅大話啦。

唉