每年清明重陽，見到電視影住將軍澳墳場，大家就會明白香港政府係幾咁聰明。
將軍澳墳場，山路崎嶇，步行半小時至四十五分鐘不等。偏偏每年清明重陽，總之一人多，政府就不准任何車輛駛入。這點合理，因為私家車太多肯定交通混亂。
但你連巴士都唔俾人塔，只准步行，係咪玩野﹖
我地d十八廿二就話行幾十分鐘山當運動啫，但你都知架啦，今時今日乜野人拜山最多﹖咪都係d老人家之嘛。你要d幾十歲阿公阿婆下下咁行上山，你係咪想人地下年輪到自己俾人拜一勞永逸﹖
再講，你用巴士運人，點都快過人地自己行啦，流量係咪會快d呀﹖
係咪唔想人地正日走去拜呀﹖係，前前後後幾個星期都可以拜，但呢個唔係藉口囉，呢d拜山嘅野跟節日架嘛，你不如叫人大年初一去拜山丫﹖
成座山得你一個人添呀，幾自由呀。
1. 自由得滯又唔得，人少驚「山狗」。
ReplyDelete2. 其實細路果陣都覺得好痛苦，因為人細要行多幾倍腳步先上到去。
3. 依家搞搞下連我媽都諗住起骨化左算數。
我懷疑呢個就係政府要大家行餐死既目的，免得你班人話唔夠位用。
以前冇咁嚴架，唔係正正日會有車，而家只要一多人就冇車。
ReplyDelete我覺得完全係白痴囉，你梗係人多出巴士先有用架嘛，人少少咁你就俾人私家車的士上去啦。
咁又老實講，而家d細路就算俾佢坐直升機去，佢地都係拿口拿面架喇，阻住佢打機啵大哥。