我們的財政司

「第一代港人覺得有三餐一宿、生活安穩已經很滿足……嬰兒潮一代可能認為能夠早日「上樓」（獲分配公共房屋）已符合了對住屋的期望；第三代港人覺得「上車」（置業）可以說是必要達到的目標；對一些第四代港人來說，他們最關注的可能是物業會所有甚麼設施、泳池有多大、私隱度是否足夠等等。」

所以我說，下屆特首，讓梁振英來當，會像毛澤東；讓唐英年來當，會像曾蔭權；至於讓曾俊華來當，最多就是董建華的程度。這種會引起公憤的說話，實在是一個政治白痴才會說。

第四代香港人最關注物業會所設施﹖

1. 七十年代的樓價，比現在平起碼六成(in real term)。
2. 我而家去睇一層建築面積係六百呎嘅樓，有二百幾呎係「建築面積」，我買一層三百幾呎樓啦，實用面積得番百幾，但呢種樓賣百幾萬，閣下計番三十年前實用面積同樓價比率，你自己講，升左幾多倍﹖
3. 全香港今時今日實用率最高嘅樓，一係就二十幾年前起嘅，一係就居屋，新私人住宅連豆膶咁大間都有會所，我十年唔入去一次但管理費又全部包埋根本係焗你用。問題係，以前起嘅樓供應量冇得再增加，居屋，特首又話唔再起喇。我想要層冇會所設施冇公園冇xyz實用率超過九成嘅樓，有冇﹖有。村屋囉，你自己買丁權，又係幾百萬。

關注有冇會所丫嘛，好簡單啫，政府直接賣地俾我，我要乜我自己俾錢起，唔要乜野我一蚊都唔駛俾。咁夠腳踏實地啦！你會唔會咁做丫﹖

咁多人死唔見你死﹖