中女告白

經某美女的不停催促，我終於的起心肝看完了《中女告白》。感想是：

1. 無鬼聊，離左婚嘅你都計數﹖咁一大堆阿婆老來喪偶，係咪又要整番輯《阿婆告白》，然後探討下點解一個八十歲嘅阿婆冇男人要﹖哎呀，因為八十歲嘅阿婆有皺紋呀十八歲妹妹仔冇丫嘛。

2. 女人這種動物，一向口不對心，口裏說自己其實要求不是很高，羅列了幾個要求，然後在電視機前告訴大家「我只是要求這些。」。作為一個和女性有豐富的相處經驗的男人應該知道，這種女人，真正揀男人時，要求肯定多十倍。情形就如你女朋友/老婆告訴你要入名店只係「睇下之嘛」最後會買幾多野出唻，你就知道，女人自己定下的目標，永遠係被過份簡化的。

3. 當初要求多多，回頭始知原來是自己以前被overpriced，現在被市場self-corrected，竟然又覺得自己而家其實係被underpriced。將overpriced當成correct price，又將correct price當成係underpriced。這種人為甚麼會在情場中焦頭爛額，原因是顯而易見的。

4. 揀飲擇食不是問題，這是每個人都有權選擇的生活態度，但食得咸魚抵得渴，挑剔的代價，就是有可能孤獨終老，風險其實很高。

5. 老實講，一個女人冇男人要，原因可以好多，其貌不揚的女人都可以有人要的，不要簡單將問題歸咎於「男人鍾意後生妹妹仔」或者「男人淨係識睇樣之嘛」。我一路溫書一路聽住個youtube，唔駛睇畫面，都已經知道點解你班女人冇人要。妄自菲薄，一味係度同自己嘅potential competitor做group therapy，你會有出路，我跟你姓。