唔係衰多口唔駛咁出醜

讀報：http://hk.news.yahoo.com/article/100517/4/i234.html

曾蔭權又發表樓價論。關於梁振英的那段就算了，反正一個等退休做政協副主席，一個等上位做下屆特首，勾心鬥角是必然的。雖然各位投資房產的人要有心理準備，如果下屆梁振英做特首，香港樓市，伴隨股市經濟，應該都冇乜運行。你問我，我梗係唔想梁振英做，唔通真係想大家攬住一鑊熟咩﹖

只講幾點：

「曾蔭權又指出，香港市民買樓心態奇特，樓價高時爭買樓，樓價跌時成交量又放緩，令政府難做。」

1. 全世界有哪一個政府的首領，會在公眾場合公開發悔氣，話自己「好難做」的﹖潛台詞係：「你咁樣我好難做喎，可唔可以唔好咁煩呀﹖」

你覺得難做，可以唔好做，大把人等住做，例如梁振英，唐英年，曾俊華，范婦人，曾鈺成及曾德成等等。

2. 樓價高時爭買樓，因為覺得樓價冇乜機會跌。樓價跌時唔買樓，因為經濟差冇錢買，又或者怕低處未算低用乜易變負資產。咁你都唔知走唻做特首﹖

證明我們的曾特首真是低能的。

「現時香港人的買樓習慣跟以往不同，他說自己結婚後，要再工作一段時間才能置業，但現時不少人一畢業就說要買樓。」

1. 唔該，香港人係咪一畢業就想買樓，同樓價係咪偏高，係兩回事，唔好混為一談。

2. 所謂「一畢業想買樓」，係指俾份首期然後供三十年，從會計角度，呢個人如果廿一歲畢業，唔知用乜野辦法俾到份首期，要到五十歲先算係真正置業，佢廿一歲手拿住嘅，係liabilities。五十歲先算係真正置業，然後仲要俾你呢個特首係度冷嘲熱諷，真係冇陰功。

「曾蔭權指出，目前本港的房屋供應大約有240萬個，而家庭數目則有230萬個，基本上是供求平衡，但不少家庭希望改善居所環境，以及要求政府協助置業，因此政府希望再諮詢市民意見。」

救命呀......點解會揀條咁嘅茂利做特首架。