唔知邊個品味低俗

不經意看到這一段娛樂新聞：

去年在書展威盡、贏盡人氣財氣的周秀娜，今年欲乘勢再在書展吸金，卻遇上主辦機構禁止她入場造勢宣傳，立即打亂周秀娜陣腳，令她激到生蝦咁跳，平日 EQ甚高的她昨日也寸爆：「嗰班顧問團喺邊度走出嚟，香港啲人真係越嚟越虛偽，冇嗰樣整嗰樣。手執大平台嘅主辦商都鍾意搞小圈子。」周秀娜抗拒被評低俗，她說：「好想問顧問團嘅成員係咪兩年前評大衞像不雅嘅人又嚟出招？」

小弟一向對周秀娜沒有甚麼好感，不過佢講得呢段野，至少，我CREDIT佢有GUTS。

顧問團成員係咪明光社之流我唔清楚，但應該半斤八兩都係冇乜腦嘅。你不想書展搞寫真集簽名宣傳不是問題，可不可以用一個堂皇一點的理由呢﹖例如：太多人，場館不能容納；又或者性質與書展初衷不乎之類的八股理由。批評他人「品味低俗」，根本損人不利己，我係o靚模，唔發火鬧番轉頭，就係默認；經理人公司唔出聲，d寫真集今年即刻唔駛賣。

上年人地真金白銀投個攤位番唻賣書，你錢識得照收，唔見你話人品味低俗。今年你叫人地去漫畫展，租更加貴，然後話人品味低俗，咁巴閉你有本事唔好俾佢地賣啦不如﹖

又要做婊子又要立牌坊。個顧問團嘅成員係咪個個都白痴嘅呢﹖