若要人不知唔好太低B

http://www.am730.com.hk/article.php?article=164972&d=2113

拿，成日話蘋果針對你，am730冇啦，我地睇下am730今日係點寫嘅：

「正當陳茂波及政府全日「零回應」之際， 許步明家族持有的國萬昨晚突就囤地風波發表聲明，指許步明持有的Orient Express，已於去年10月將所持有的國萬實業全數股權，售予其弟許嘉麟，但無交代作價。國萬並對19年前購入的農地，因陳茂波在去年8月出任發展局長，以及政府推動新界東北發展，而引起公眾猜疑深感不安。國萬又指，為完全切除利益關係，已委託獨立測量師行為有關農地估值，完成後會按市值公開招標出售。就最新公布的公司註冊處文件顯示，國萬的股份從原先許氏家族海外公司持有，改為由許嘉麟夫婦，以及許步明姐夫區長城個人名義持有。
聲明又為陳茂波的「地主」身份解畫，指陳茂波及許步明姐夫區長城，曾代表國萬將一小幅農地，以半年租金60元租予農戶鍾先生；而其餘過萬呎農地則長時間由區先生打理，並種植不少果樹，但因區先生年逾70歲，加上孩子已長大，故近年很少到農地。除有關農地外，國萬強調無其他資產，亦無從事其他商業活動。

許步明其後亦發聲明，表示以市場水平相若的作價，實質出售所持有的國萬實業股份，但無交代實際金額。」

睇到呢度，發現到個問題未﹖所以我成日話，呢個世界有好多野，唔需要好深厚嘅知識，只需要常識，就可以判斷。

上述聲明嘅問題係：國萬於聲明中指出，「除有關農地外，國萬強調無其他資產，亦無從事其他商業活動」，即係話，國萬有嘅資產就係嗰三槐地皮，冇業務，即係話，如果要為國萬估值，就係為該三塊地皮估值(正確唻講係2.33塊)。

但同時「國萬又指，為完全切除利益關係，已委託獨立測量師行為有關農地估值，完成後會按市值公開招標出售」，即係話有關地皮嘅估值工作仍然在進行中，咁即係話，基本上國萬嘅股份值幾多錢，而家都仲係測量師估緊嘅階段。

咁我想問下，許步明嘅聲明中指「表示以市場水平相若的作價，實質出售所持有的國萬實業股份」，裏面嘅「市場水平相若作價」，係點唻架﹖

若要人不知，唔好太低B。講大話唔該夾好口供先啦