今日買書一事，很能體會我自己既洗錢哲學。

話說今日請病假早番屋企，路經三聯書店，做緊減價，雖然抱病在身，但都入去打左個白鴿轉。入到去見到張永霖寫既「成功路」一書。呢本書其實我想買好耐，原價八十都唔可以話貴。但問題係本書印刷精美，彩色。我對內頁都係彩色既書一向冇乜好感，同一本書用黑白同彩色，價錢差百分之二十。而且香港各大書店耐唔耐會搞減價(即係好似今次咁)，本書我唔急用所以唔駛咁急買。結果今日去到，三聯全線八五折，而呢本，係七折。田園最多都係八折咋，七折邊度搵﹖即買啦。

此所以點解老豆多番勸龥我買股票我到而家都唔肯落塔既原因：隻港交所九個幾十蚊你唔買，升到二百幾蚊你話我知唔買你就笨。你駛乜驚o者，遲早咪跌番落o來。