周融

周融高調申請廣播署長，有人認為是政府的手段，用以空降AO擔任時市民會比較接受。

這種「退而求其次」的手腕其實只係談判基本功，但我認為可能性不大，原因如下：

一、我不認為政府會懂得如此取巧來獲得市民支持，原因是特首不是民選的，所以佢根本唔駛買你怕。你唔歡迎我，我依然可以舒舒服服做特首，要擔心支持度問題的，應該係唐英年曾俊華這些有志來屆參選特首的人士。

二、就算原本係咁諗，而家都唔可以係喇。魔術師俾人當場拆穿，自然要退番入後台，點可以繼續表演呢﹖

三、周融係老江湖，點會咁容易任政府擺布﹖只有係政府答應俾廣播署長更大的利益令佢肯演呢場戲，如果唔係，單靠佢咁多年經驗，再加上佢開記招之前報紙己經將呢招唱哂出o來，真係有問題，我唔相信佢一d都感覺唔到。所以一係佢地己經傾掂數互相扯貓尾，一係就根本冇「退而求其次」呢回事。

照我睇，都係政府直接搵周生做廣播署長居多，只要睇最後的申請名單上面，有幾多個冇大學學歷就知道了。

P.S. 今日陶傑專欄有呢一句：「中國的道德家，他們有時是文人，有時是「學者」，有時是師奶，共通點是讀書少，尤其缺乏邏輯訓練」，深得我心，聽日再講。