兩老外訪英國，小弟獨個兒在家生活踏入第四日。
出奇地習慣，除了要煮飯洗衫吸塵拖地之外，其他一齊如常，而且少減兩個人係側邊喧嘩：
媽：「阿仔呀，你老豆打我呀！」
爸：「你睇下你阿媽抓到我流血呀！」
我：「你兩個打完邊個贏左先唻搵我啦！」
近呢幾年我係越唻越明白兩老當年養大我同我妹嘅痛苦，呢d叫報應。
煮飯、洗衫、吸塵、拖地。在煮飯已得到完滿解決後，最大難題變成了洗衫。洗完要掠，掠完要熨，熨完要摺，唔好話要我做，淨係咁樣逐樣寫出唻，我己經覺得好煩。
No pain no gain，真是至理名言。
另一個面對著的大難題是游水，我唔知政府邊一條蛋散忽然想出「全民運動」的絕世好橋，所有游泳池(其實其他康樂設施都係)一律免費三個月。
我多得佢唔少。
公眾泳池是不用說了，免費的，大家自然「執輸行頭慘過敗家」，一於入左去先，唔游都浸下丫。你唔會想像得到一個泳池點解天你得二十五度，會多人過平時三十五度。於是搞到原本去開公眾泳池嘅走去遊私家，咁就連私家嘅都爆埋。
搞呢單野嘅人，應該即刻問責落台。你想搞function，減半價咪算囉，免費
咪俾d阿婆入去卒腳趾囉...
你爸媽好可愛！
ReplyDelete本來仲諗住等天氣好d去游水tim~~
ReplyDelete喂， 爹域~ (home alone boy)：
ReplyDelete你父母感情幾好Wo~ 公眾泳池...係咁上吓咖啦。
講過真人真事你聽,
ReplyDeletemy fd 好鐘意游水, 每星期都去九龍公園, 有一日, 隻腳板生野, 去睇e生,話皮膚病。
於是, 佢e好次後唔再去九公, 改左去九仔游。
一個月之後, 輪到另一隻腳生野
~~~完~~~
瑩：
ReplyDelete我對住兩老似湊細路多過似對住父母。
素素：
唉，佢兩個唔嘈家用嘅時候就幾好嘅...
篤撐：
私家又唔係個個有得用啫
篤篤篤撐：
ReplyDelete哈哈哈，你個friend呢個真人真事係唔係你自己？
我見你個profile腳仔相...令人聯想。
不過，你個真人真事幾creepy吓。爹域，你都係唔好游水啦，做【瑜珈】啦。 XD
我做瑜珈的話D骨頭會斷哂喎
ReplyDelete好过放个仔落去“舒舒”和洗头啊~~
ReplyDelete